Eritrea

ኢትዮጵያ: ሚንስተር ኮሚኒኼሽን ነበር ኣቶ በረከት ስምኦንን ታደሰ ካሳን ኣብ ትሕቲ ቀይዲ ምእታዎም ተገሊጹ

VOAnews Tigrigna -

ፖሊስ ብገበን ብልሽውና ተጠርጢሮም ንዝበሎም ሚንስተር ኮሚኒኼሽን ነበር ኣቶ በረከት ስምኦንን ኣቶ ታደሰ ካሳን ሎሚ ረቡዕ ኣብ ትሕቲ ቀይዲ ምእታዎም መንግስታዊ ኣገልግሎት ዜና ፋና ሓቢሩ። ክልቲኦም ውልቀሰባት ‘ጥረት’ ዝተባህለ ትካል የማሓድሩ ኣብ ዝነበረሉ እዋን  ገንዘብ ኣጠፋፊኦም እዮም ብዝብል ክሲ ሎሚ ንግሆ ኣብ ትሕቲ ቀይዲ ምእታዎም ኮሚሽነር ኮሚሽን ጸረ ብልሽውና  ክልል ኣምሓራ  ዝግኣለ  ገበየሁ ብምጥቃስ ፋና ሓቢሩ ። እቶም ኮሚሽነር ብተወሳኺ ኣቶ በረከት ስምኦንን ኣቶ ታደሰ ካሳን ካብ መንበሪ ገዝኦም አዲስ ኣበባ ናብ ባህርዳር ከምዝተወስዱ ገሊጾም  መስርሕ ፍርዲ ድማ ኣብቲ’ቲ ገበን ዝተፈጸመሉ ክልል ከምዝካየድ አረዲኦም። ኣቶ በረከት ስምኦን ካብ 1995-2012 ሚንስተር ሚንስትሪ ኮሚኒኼሽን ዝነብሩን ሓደ ካብ መስረቲ ጥረት ኮርፐረሽን ኮይኖም ክሳብ 2017 ድማ ኣብ መሪሕነት’ቲ ኮፐረሽን ይሰርሑ ምንባሮም ይፍለጥ። ኣቶ ታደሰ ካሳ ድማ አባል ቦርድ ምምሕዳር ጥረት ዝነበሩ እዮም። ጥረት ዋንነቱ ናይ ኣምሓራ ክልል ምምሕዳር ኮይኑ ናይ መስተ መፍረይ: ናይ ህንጻን ካልእ ሎጀስቲክ ትካላትን ዝሓዘ ኮርፐረት ትካል’ዩ። ግብረ መልሲ ኣቶ በረከት ኮነ ኣቶ ታደሰ ንምርካብ ዝተካየደ ፈተነ ከምዘይተዓወተ ሮይተርስ ኣብ ዘውጽኦ ዜና ገሊጹ’ሎ።

ግንባር ሓርነት ኦሮሞን ገዛኢ ፓርቲ ዲሞክራቲክ ኦሮሞን ጸገማቶም ብሰላም ንምፍታሕ ተሰማሚዖም

VOAnews Tigrigna -

ነቲ ብኣባ-ገዳ ማለት ብዓበይቲ ዓዲ ኦሮሞ ዝተሸምገለ ስምምዕ፡ ብወገን ኦዴፓ ሓላፊ ቤት-ጽሕፈት ዲሞክራቲክ ፓርቲ ኦሮሞ ዶ/ር  ኣለሙ ስሜ፡ ብወገን ግንባር ናጽነት ኦሮሞ ድማ ኣቦ-መንበር ኣቶ ዳውድ ኢብሳ ዝተመርሐ`ዩ ኔሩ። ኣብ`ቲ መድረኽ ስምምዕ፡ ኣካቢ ሕብረት ኣባ-ገዳታት ኦሮሞ ኣባ-ገዳ በየነ ሰንበቶ “ ህዝብና ብሰላም ወፊሩ ብሰላም ክኣቱ`ዩ ዝደሊ” ኢሎም። እቶም ኣባ-ገዳታትን ኣደታት ሲቄን “ፓርትታት ፖለቲካ ዝቐረበልኩም ናይ ዕርቂ ሕቶ ክሳብ ትቕበሉና ኣይንቕመጥን፡ ንገዛና`ውን ኣይንምለስን” ክብሉ ሓቲቶም። እቶም ፓርትታት ፖለቲካ ድማ ብሓድነት፡ ካብ ኣባ-ገዳታትን ካባ ኣደ-ሲቀን ዝቐረበሎም ናይ ሰላምን ናይ ዕርቅን ስምምዕ ከምዝቕበሉ ኣፍሊጦም። ድሕሪ`ዚ ኣቦ-መንበር ኦነግ ኣቶ ዳውድ ኢብሳ፡ ሰራዊት ኦነግ ንኣባ ገዳን ንህዝቢ ኦሮሞን ኣረኪብና ኣለና፡ ተጸዋዕነቱ`ውን ንኣባ-ገዳን ንህዝብን`ዩ ክብል ኣፍሊጡ። “ሰራዊት ኦነግ ኣባ-ገዳታት ብዘቐምጥዎ መንገዲ መሰረት ዕጥቁ ንኣባ-ገዳን ንዓበይቲ ዓድን እናረከበ ይእቶ” ኢሉ። ኣብ`ቲ ኮንፈረንስ ሰላም፡ ዕጡቕ ሰራዊት ኦነግ ዕጥቁ ንምፍታሕን እቲ ሰራዊት ናብ ካምፕ ንምእታውን ከምኡ`ውን ካልኦት ስምምዓት ንምፍጻም ሓደ ናይ ቴክኒክ ኮሚቴ ክቐውም ኣብ ስምምዕ ተበጺሑ`ሎ። በዚ መሰረት፡ ካብ ምሁራን 11፡ ካብ ኣባ-ገዳታት 54፡ ካብ ኦዲፓ 3፡ ካብ ኦነግ 3 ኣባላት ዘለውዎ ናይ ቴክኒክ ኮሚቴ ክቐውም ተሰማሚዖም ኣለዉ። ኣብ`ቲ መድረኽ፡ ብዘይካ መሪሕነት ኦነግን ኦዴፓን ካልኦት ኣብ ኦሮሚያ ዝንቀሳቐሱ ፓርትታት ፖለቲካን ዝምልከቶም ኣካላትን ተረኺቦም ምንባሮም ጸብጻባት ቪኦኤን መንግስታዊ ሚድያን ይሕብሩ።    

ሃገራዊ ባንክ ስዊዝ፣ ኣብ ኔቭሰን ዘለዎ ብርኪ ብ.2.4% ከምዝዓበየ ተሓቢሩ

Radio Erena -

Radio Erena: 23 January 2019

      ሃገራዊ ባንክ ስዊዝ፣ ኣብቲ ኣብ ኤርትራ ዕደና ዘካየድ ዘሎ ኩባንያ ዕደና ኔቭሰን ዝጸንሖ ብርኪ ብ2.4% ኣዕብይዎ።

      እቲ ባንክ፣ ነቲ ክውንኖ ዝጸንሐ ብርክታት፣ ካብ ዝሓለፈ ሰለስተ ኣዋርሕ ኣትሒዙ ተወሳኺ 12,800 ብርኪ ብምዕዳግ ናብ 535,800 ኣዕብይዎ ኣሎ።

 

      እዚ ድማ ናይ 2.3 ሚልዮን ዶላር መጠን ገንዘብ ከምዘለዎ ኔቭሰን ኣብ ዝዘርግሖ መግለጺ ኣፍሊጡ።

 

ብሪጣንያ፣ ኣብ ገማግም ባሕሪ ሶማሊላንድ መዓስከር ሓይሊ ባሕሪ ከተቕውም ከምእትኽእል ተገሊጹ

Radio Erena -

Radio Erena: 23 January 2019

      ብሪጣንያ፣ ኣብ ገማግም ባሕሪ ሶማሊላንድ፣ መዓስከር ሓይሊ ባሕሪ ከተቕውም ከምእትኽእል ተገሊጹ።

      እዚ ዝተገልጸ፣ ሚኒስተር ምክልኻል ብሪጣንያ፣ ጋቪን ዊልያምሶን፣ ኣብ ፈለማ ዕለታት ናይዚ ወርሒ'ዚ፣ ምስ ፕረዚደንት ናይታ ርእሰ ምምሕዳር ሙሰ ቢሒ፣ ኣብ ከተማ ሃርጌሳ ተራኺቡ ድሕሪ ምዝርራቡ'ዩ።

ኣብ ከተማ ድሬዳዋ ግጭት ምልዓሉ ተገሊጹ

VOAnews Tigrigna -

ካብ ትማሊ ድሕሪ ቐጥሪ ጀሚሩ ኣብ ከተማ ድሬዳዋ ግጭት ምልዓሉን፥ ክሳብ ሎሚ ቀጺሉ ምውዓሉን ተገሊጹ። አቲ ግጭት ዝሞተ ኾነ ከቢድ ጉድኣት ዝወረዶም ሰባት እንተዘየለው ቀሊል ጉድኣት ዘጋጠሞምን ንብረት ምውዳሙን ተገሊጹ።ናይታ ከተማ ምምሕዳርን መራሕቲ ሃይማኖትን እቲ ግጭት ኣብታ ከተማ ናይ ብሄርን ሃይማኖትን ግጭት ክለዓል ዝደልዩ ወገናት ዘልዓልዎ’ዩ ኢሎም።

ፕሮፈሰር ኣስመሮም ለገሰ ፡ብዛዕባ ምስጓግ ኤርትራውያን ካብ ኢትዮጵያ ኣብ ቅድሚ ኣህጉራውያን ትካላት ቀሪቦም ከም ዝሞገቱ ይገልጹ

VOAnews Tigrigna -

ተመራማሪ ስነ-ሰብ ፕሮፈሰር ኣስመሮም ለገሰ፡ ብዛዕባ ንስርዓት-ገዳ ማለት ስርዓት-ደሞክራሲያዊ ባህሊ ብሄረ-ኦሮሞ ዝጸሓፍዎ ክልተ ዓበይቲ መጻሕፍቲ ዝምልከት ክልተ ቃለ-መጠይቕ ምክያዱ ይፍለጥ። ፕሮፈሰር ኣስመሮም ግን፡ ካልእ ምርምራት `ውን ጽሒፎም`ዮም። ብዛዕባ ምስጓግ ኤርትራውያን ካብ ኢትዮጵያ ብዝምልከት ብዓይኒ-ምኽባር ሰብኣዊ መሰል ጠሚቶም ክልተ ምርምራዊ ዶክመንታሪታት ብምሕታምን ኣብ ሕቡራት ሃገራትን ካልኦት ኣህጉራውያን ትካላትን ምቕራቦም`ውን ካብ ውጽኢት ስርሖም ሓደ`ዩ። ኣብ`ዚ ዘተኮረን ሳልሳይ ክፋልን ቃለ-መጠይቕ ኣብ`ዚ ምስማዕ ይክኣል።  

ፖለቲካዊ ዘይምግጋእን ውጥረት ንግዲን ንዕብየት ቁጠባ ዓለም ከተዓናቕፎ ይክእል'ዩ ክብሉ ክኢላታት ገሊጾም

VOAnews Tigrigna -

ኣብ ዓለም ዝርአ ፖለቲካዊ ስኽፍታትን ውጥረት ንግድን ንዕብየት ቁጠባ ዓለም ከተዓንቕፎ ይኽእል እዩ ክብሉ ክኢላታትት ኣጠንቂቖም። ተሓለቕቲ ሰብኣዊ መሰላት ኸኣ እናዓበየ ይኸይድ ዘሎ ቁጠባዊ ዘይምዕሩይነት ሓደገኛ እዩ ክብሉ ኣጠንቂቖም።  እዞም ክኢላታት ነዚ መጠንቀቕታ ዝሃቡ ኣብ ስዊዘርላንድ ከተማ ዳቮስ ኣስታት 3,000 መራሕቲ ፖለቲካን ኢኮኖሚን ተኣኪቦም ብዛዕባ ኣንፈታት ንግድን ኢኮኖሚን ዓለም  ዓመታዊ ኣኼብኦም ኣብ ዘካይድሉ ዘለው እዩ። ምሉእ ትሕዝቶ ኣብዚ ምስማዕ ይክኣል።  

ኣብ ዚምባብወ ብሰንኪ ናህሪ ዋጋ ነዳዲ ብዝተላዕለ ተቓውሞ 12 ሰባት ሞይቶም

VOAnews Tigrigna -

ኣብ ዙምባቤ ኣብዚ ወርሒ ብሰንኪ ናህሪ ዋጋ ነዳዲ ዝተላዓለ ተቓውሞ እንተወሓደ 12 ሰባት ምሟቶም ልዕሊ 300 ድማ ከምዝቖሰሉ:ልዕሊ 600 ድማ ተኣሲሮም ከምዘለው ተፈሊጡ።ፕረዚደንት ኤመርሰን ምናንጋግዋ ነቲ ህውከት ምርመራ ክካየድን ብዛዕባ እቲ ተቓውሞ ሃገራዊ ልዝብ ክካየድን ፀዊዖም። ንሰብኣዊ መሰላት ዝሕልቑ ዜጋታት እታ ሃገር ካብ ዋና ከተማ ክሳብ ገጠራት ኣብ ዘለው ከባቢታት ናይ ሓይልታት ፀጥታ ዝመስል መጥቓዕትታትን ዓፈናን ከምዝተፈፀመ ይገልፁ ኣለው። ፕረዚደንት ምናንጋግዋ ኣብ መጀመሪያ እዚ ሒዝናዮ ዘለና ወርሒ ጥሪ 150 ሚእታዊት ወሰኽ ነዳዲ ድሕሪ ምእዋጆም  እዮም ኣብታ ሃገር ተቓውሞታትን ህውከትን ተላዒሉ።ሕቡራት ሃገራት መንግስቲ ካብ ዓቐን ንላዕሊ ሓይሊ ከይጥቀም እንተፀውዐ እውን ወሃቢ ቃል መንግስቲ ጆርጅ ቻራምባ ግን ፀቢብ ረብሓ ዘለዎም ወገናት ህውከት እናፈጠሩ መንግስቲ ደው ኢሉ ኣይሪኦምን እዩ ክብሉ ንመንግስታዊ መራኸቢ ማዕኸን ገሊፆም። ፕረዚደንት ምናንጋግዋ ናይ ወፃኢ መገሽኦም ብምቁራፅ ትማሊ ሰሉስ ናብ ሃገሮም ተመሊሶም ኣለው።   

መራሒ'ታ ብተቓውሞ ትሕመስ ሱዳን ዑመር ኣልበሽር ናብ ቀጠር የምርሑ

VOAnews Tigrigna -

ፕረዚደንት ሱዳን ዑማር ኣል-በሽር ናብ  ቀጠር ይገሹ ኣለው።ሃገሮም ኣንጻር መንግስቲ ተቓውሞታት ካብ ካብ ትሕመስ እዚ ናይ መጀመሪያ ናይ ወፃኢ  ሃገር መገሽኦም እዩ። ፕረዚደንት በሽር ምስ ናይ ቀጠር ኤሚር ሸኽ ታሚም ቢን ሃማድ ኣል ታኒ ፅባሕ ረቡዕ ተራኺቦም ርክባቶም ንምሕያል ክዘራረቡ ምኳኖም ናይ ቀጠር መንግስታዊ ኣገልግሎት ዜና QNA ትማሊ ሶኑይ ምጽብጻቡ ይፍለጥ።  በሽር ነቲ ተቓውሞ ናይ ተለኣኣኽትን ሰረግትን እዮም ክብሉ ነቲ ህውከት  ከነኣእስዎ ክፍትኑ ፀኒሖም ኣለው።   ብሰንኪ ወሰኽ ዋጋ ባኒ 19 ታሕሳስ 2018  ዝጀመረ ተቓውሞታት 24 ሰባት ከም ዝሞቱ መንግስቲ ኣረጋጊፁ’ሎ።ሕቡራት መንግስታት ግን  ብዝሒ  ዝሞቱ ካብቲ መንግስቲ ዝገለፆ ንላዕሊ  ምዃኑ እሙናት ምንጭታት ገሊፆም እዮም ኢሉ’ሎ።  ጋዜጠኛታት፣መራሕቲ ተቓዋሚ፣ሰልፈኛታትን ኣባላት ስቪክ ማሕበረሰብን ሓዊሱ ልዕሊ 800 ሰባት ተኣሲሮም ኣለው።

ኣብ ክልል ትግራይ ዝርግሓ ኤች ኣይ ቪ ሎሚ ዓመት ውን ይውስኽ ከምዘሎ ተገሊጹ

VOAnews Tigrigna -

ዝርገሐ ኤች ኣይ ቪ ኤይድስ እኩል ትኩረት ክግበረሉ ብዘይምክኣሉ ኣብ ትግራይ ኣብ ዝሓለፈ ዓመት እናወሰከ ከምዝመፅአ ሓላፊ ኦሳ ትግራይ ኣይተ ይርጋ ገብረእዝጋብሄር ገሊፆም ምንባሮም ይዝከር። ብመሰረት ኣብ ዝሓለፈ ዓመት ተገምጊሙ ኩነታት መወሰኪኡ ዝተፈለጠ ቫይረስ ኤች ኣይ ቪ ኣብዚ ዓመት’ከ ይንኪ’ዶ ይውስክ? ንዝብል ዝቐረበሎም ሕቶ ከምዚ ክብሉ ይምልሱ። “ ኣብ ሃገርና ኩነታት ሰላም ፅቡቅ ኣይኮነን ዘሎ። ህዝቢ በብግዝኡ ይፋናቀል ኣሎ። ምፍንቃል ኣብ ዘለዎ ኩነታት ኮይንካ ኤች ኣይ ቪ ይንኪ ኣሎ ምባል ኣይከኣልን። ምፍንቃል ብፍላይ ንህፃናትን ደቂ ኣንስትዮን ተወሳኪ ፀገም እዩ። ብዘይካ እዚ ንምስፋሕ ሕማም ኤች ኣይ ቪ  ምክንያት ዝኮኑ ነገራት እንክትርኢ ይውስክ እምበር ኣይንክን ዘሎ። ኣብነት ፋብሪካታት መስተ ይበዝሓ ኣለዋ። ሰታዪ ይበዝሕ ኣሎ። ኣብ መስተ ዝሓልፍ ግዜ ይበዝሕ ኣሎ። ስለዚ ኣብዚ ኩነታት ኮይንካ ኤችኣይቪ ኤይድስ ክንኪ ምፅባይ ኣይከኣልን።” ብኣንፃሩ ኣብ ፈቀዶ ቤት ትምህርቲ ዝነበሩ ክለባት ኤችኣይቪ ብተግባር ዘንቀሳቀሱ የለዉን፡ ኣብ ወረዳታት ዝነበራ ክለባት የለዋን። ሚድያታት ክልልና ግዜ፣ዓምዲ ሂበን ብትኩረት ዝሰርሓሉ ዝነበራ ሎሚ የለን። ስለዚ እቶም ንምግዳድ ምክንያት ዝኮኑ እንትበዝሑ እቶም ንምንካይ ሓገዝቲ ዝኮኑ ስራሕቲ ድማ እንክጠፍኡ ኤች ኣይ ቪ ኤይድስ ክውስክ ግድን እዩ። ኣይተ ይርጋ ብመሰረት እዚ እቲ ብደረጃ ሃገር ካብ ዝተገለፀ ቁፅሪ ምስፋሕ ኣብ ክልልና ዝዓበየ እዩ ይብል። ምሉእ ትሕዝቶ ጸብጻብ ኣብዚ ምስማዕ ይክኣል።  

ኢትዮጵያ: ኣብ ዝሓለፈ ሽዱሽተ ወርሒ 13,000 ሰባት ብናይ ምሕረት ኣዋጅ ተፈቲሖም

VOAnews Tigrigna -

ኢትዮጵያ ኣብ ዝሓለፈ ሽዱሽተ ኣዋርሕ ብክስታት ግብረ ሽበራን ክሕደት ሃገርን ኣብ ማእሰርቲ ዝጸንሑ 13,000 ሰባት ምሕረት ምፍትሓ ፈደራል ዓቃቢ ሕጊ ኣፍሊጡ ክብላ መራኸቢ ብዙሃን ውሽጢ ሃገር ሓቢረን።  ንምርጫ 2015 ስዒቡ ኣብታ ሃገር ብዝተላዕለ ተቓውሞ ተማሃሮ: ጋዜጠኛታት:  ኣመራርሓ ተቓዋሚ ውድባት ዝርኸብዎም ኣስታት 30,000 ሰባት ኣብ ማእሰርቲ ምንባሮም ይፍለጥ። ቀዳማይ ሚንስትር ኣብይ ኣሕመድ ኣብ ወርሒ ሚያዝያ ናብ መዝነት ድሕሪ ምምጽኦም ነቶም ብክሲ ግብረ ሽበራ ተኸሲሶም ኣብ ማእሰርቲ ዝጸንሑ ንሽዱሽተ ወርሒ ብዝጸንሕ ናይ ምሕረት ኣዋጅ ካብ ማእሰርቲ ምፍትሖም ይፍለጥ። እቲ ኣብ ወርሒ ሓምለ 2018 ብፓርላማ ዝጸደቐ ናይ ሽዱሽተ ወርሒ ናይ ምሕረት ኣዋጅ ትማሊ ዘብቕዓ ክኸውን ከሎ በዚ አዋጅ ኣስታት 13,200 ሰባት ተጠቐምቲ ምኳኖም ንዓቓቢ ሕጊ ብምጥቃስ ፋና ብሮድካስቲንግ ሓቢሩ።  ይኹን ደአ እምበር እቲ ናይ ምሕረት ኣዋጅ ብምጽናት ዓሌት: ዘይሕጋዊ መቕተልቲ: ጭውያን ሰብኣዊ ዘይኾነ ስቅያት ፈጺሞም ዝተኸሱ ከምዘይምልከት  ፋና ብሮድካስቲንግ ወሲኹ ሓቢሩ’ሎ። እዚ ከምዚ ኢሉ ከሎ መንግስቲ ሕጊ ግብረሽበራ ንምምሕያሽ ምስ ተቓወምቲ ውድባትን ሲቪል ማሕበረሰባት  ይዘራረብ ከምዘሎ ይፍለጥ።

NCEW: Election of Executive Committee

Shabait -

At a second congress conducted on 18 and 19 January, the National Confederation of Eritrean Workers Central Committee elected five members of Executive Committee.

Asmara, 22 January 2019- At a second congress conducted on 18 and 19 January, the National Confederation of Eritrean Workers Central Committee elected five members of Executive Committee.

According to the report the Chairman of the NCEW, Mr. Tekeste Baire presented, it was indicated that in the past two years the confederation has been engaged in foiling external conspiracies against the homeland and that with the prevailing peace prospect the priority will be given to strengthening organizational capacity and harmonizing plan of action in congruent with unfolding situation.

Mr. Tekeste reiterated that priority will also be given to organizing training programs with a view to develop vocational skill of workers to enable them become productive and innovative as well as creating conducive atmosphere at work places in cooperation with employers.

At the meeting reports were presented focusing on workers organizations, work relationships, administration and finance, women workers, human resources development as well as international relations.

The participants adopted recommendations including organizing training programs in accordance with timely needs, ensuring the implementation of labor agreements, strengthening relations with professional associations, alleviating challenges of the labor unions at all levels, preserving the work ethics of the NCEW, expansion of membership and other issues relevant to the confederation.

The congress also adopted activity plan for 2019.

Office of Auditor General five years’ strategic plan

Shabait -

At a ceremony held on 22 January here in the capital Asmara, the Office of the Auditor General launched a five years Strategic Plan that will be implemented from 2019 to 2023.

Asmara, 22 January 2019- At a ceremony held on 22 January here in the capital Asmara, the Office of the Auditor General launched a five years Strategic Plan that will be implemented from 2019 to 2023.

Indicating that strong and integrated effort has been exerted to design the strategic plan, Mr. Gebrezgiabhier Gebremedhin, Auditor General, called for robust participation of all stakeholders for its implementation.

Mr. Gebrezgiabhier noted that the main goals of the strategic plan are to enhance the independence of the Office of the Auditor General, to strengthen the organization and management capacity of the OAG, to enhance the competency and productivity of the human resources, to enhance the quality of audit services to increase the value of the OAG as well as to enhance its image by improving communication with stakeholders.

According to Mr. Gebrezgiabhier, the mission of the Office of the Auditors General that was established with proclamation No. 23/1992 and later repealed and replaced with proclamation No. 37/1993 is to audit all Government institutions and parastatals and State owned enterprises.

At the ceremony in which heads of financial institutions took part briefing was provided on the main objective, mission and core vales of the strategic plan. The office also received award of recognition from the African Organization for Supreme Audit Institutions (AFROSI).

Akordet Vocational Training Center nurturing competent youth

Shabait -

Akordet Vocational Training Center is making significant contribution in nurturing competent youth.

Akordet, 22 January 2019- Akordet Vocational Training Center is making significant contribution in nurturing competent youth.

According to Mr. Osman Abdu, head of the training center, the mission of the center is to equip the youth with various skills and enable them become self-supportive and that to date the center in its third round is providing vocational training to 150 youth.

Mr. Osman further indicated that the eight months training includes irrigation farming, electronics, electricity, ceramics, weaving and construction as well as English language, book keeping and basic computer application.

The Akordet Vocational Training Center that was established in 2017 under the auspices of the Ministry of Education provides vocational training to youth from 16 to 25 years of age that could not have the opportunity of joining formal education.

መግለጺ ቀ/ሚ ኢትዮጵያ ኣብ ጉዳይ ምህናጽ መንገዲ ባቡር ኢትዮ-ኤርትራ፣ ኣብ ኤርትራውያን ዝተፈላለየ ስምዒታት ፈጢሩ

Radio Erena -

Radio Erena: 22 January 2019

ኢጣልያ፣ ካብ ወደብ ባጽዕ ክሳብ ኣዲስ ኣበባ መንገዲ ባብቡር ንምዝርጋሕ ዘኽእል ቀዳማይ ገጽ መጽናዕቲ ክትምውል ምዃና ቀ/ሚ ኢትዮጵያ ምግላጹ፣ ኣብ መንጎ ኤርትራውያን ዝተፈላለየ ስምዒታት ፈጢሩ።

ቀዳማይ ሚኒስተር ኣብይ ነዚ ዝገለጸ፣ ኣብ ቁጠባዊ መድረኽ ዓለም ቅድሚ ምስታፉ፣ ምስ ቀዳማይ ሚኒስተር ኢጣልያ ጁሴፐ ኮንተ ድሕሪ ዘካየዶ ዝርርብ'ዩ።

ድሕሪ'ዚ መግለጺ ቀዳማት ሚኒስተር ኣብይ፣ ብዙሓት ኤርትራውያን፣ ብመንግስቲ ኤርትራ ክግለጽ ዝግብኦ ጉዳያት፣ ብወገን ኢትዮጵያ ንሰምዖ ኣሎና ክብሉ ናይ ኣሉታ ስምዒታት ከምዘሕደረሎም ብመንገዲ ማሕበራዊ ሜድያታት ካብ ዘመሓላለፍዎ ዘለዉ መልእኽታት ምርዳእ ይከኣል።

" ኣብ ግብጺ፣ ልዕሊ 14 ሽሕ ኤርትራውያን ስደተኛታት ኣለዉ፣" UNHCR

Radio Erena -

Radio Erena: 22 January 2019

ኣብ ግብጺ፣ ልዕሊ 14, 500 ኤርትራውያን ስደተኛታት ከምዘለዉ ላዕለዋይ ኮሚሽን ስደተኛታት ሕቡራት ሃገራት ( UNHCR) ኣፍሊጡ።

ኣብታ ሃገር፣ ብጠቕላላ ልዕሊ 242 ሽሕ ስደተኛታት ከምዘለዉ ዝሓበረ UNHCR፣ ካብዚኣቶም እቶም ፍርቂ ዜጋታት ሶርያ ምዃኖም ኣስሚርሉ።

ብብዝሖም ኣብ ካልኣይ ደረጃ ዝተሰርዑ፣ ኣስታት 40 ሽሕ ዝግመቱ ዜጋታት ሱዳን ክኾኑ እንከለዉ፣ ዜጋታት ኤርትራን ኢትዮጵያን ድማ ብተመሳሳሊ ቁጽሪ ሳልሳይን ራብዓይን ደረጃ ሒዞም ኣለዉ።

Pages

Subscribe to shekortet.com aggregator - Eritrea