erena.org

Subscribe to erena.org feed
Radio Erythree International
Updated: 39 min 14 sec ago

ኣብ ኡጋንዳ ኣብ ዝተኻየደ ሻምፕዮን ጉያ እግሪ ምቑራጽ ሃገር፣ 25 ኣትለታት ዘሰለፈት ኤርትራ ብሓንቲ ነሓስ ራብዓይ ደረጃ ሒዛ

5 hours 17 min ago

Radio Erena: 27 March 2017

Athelets of Er

ኣብ ኡጋንዳ ኣብ ዝተኻየደ መበል መበል 42 ናይ ዓለምና ውድድር ሻምፕዮን ጉያ እግሪ ምቁራጽ ሃገር፣ ኤርትራ ታሽዓይ ደረጃ ሒዛ።

ኣብዚ ብሰንበት 26 መጋቢት ዝተኻየደ ቅድድም፣ 13 ደቂ ተባዕትዮን 12 ደቂ ኣንስትዮን፡ ብሓፈሻ 25 ኤርትራውያን ኣትሌታት ተሳቲፎሞ።

ኣብ’ዚ ውድድር፣- ኬንያ 4 ወርቂ፡ 5 ብሩር፡ 3 ነሓስ፡ ብ12 ሜዳልያታት ዓብላሊ ደረጃ ክትሕዝ እንከላ፣ ኢትዮጵያ 4 ወርቂ፡ 4 ብሩር፡ 1 ነሓስ፡ ብድምር 9 ሜዳልያታት ብምርካብ ካልአይቲ ኮይና።

Categories: Eritrea News

ሱዳን፣ ተጨውዮም ዝጸንሑ 11 ኤርትራውያን ከምዝተለቁ ተሓቢሩ

5 hours 19 min ago

Radio Erena: 27 March 2017

Kassala

ፖሊስ ሱዳን፣ ኣብ ዞባ ከሰላ ተጨውዮም ዝጸንሑ ሓንቲ ትሕቲ ዕድመ ቆልዓ እትርከቦም 11 ኤርትራውያን ናጻ ከምዘውጽአ ሬድዮ ዳባንጋ ሓቢራ።

እቶም ኤርትራውያን ብስግረ ዶብ ናብ ሱዳን ድሕሪ ምእታዎም፣ ብኣሰጋገርቲ ደቂ ሰብ ዝተሸጡ ምዃኖም'ያ እታ ሬድዮ ገሊጻ።

ዝሓለፈ ሰሙን ፖሊስ ብዘካየዶ ስርሒት ከኣ ኣብ ከባቢ ወዲ ሸሪፈይ ተታሒዞም ድሕሪ ምጽናሕ ናጻ ወጺኦም ኣለዉ።

ኣብ ዝሓለፈ ሰሙን'ውን 28 ኤርትውያን ብተመሳሳሊ ስርሒት ናጻ ከምዝወጹ ፖሊስ ሱዳን ምሕባሩ ይዝከር።

Categories: Eritrea News

መራሕቲ ሃገራት ኢጋድ ብዛዕባ ህልዉ ኩነታት ሶማል ዘትዮም

5 hours 21 min ago

Radio Erena: 27 March 2017

IGAD som

መራሕቲ ሽዱሽተ ሃገራት ኢጋድ ኣብ ህሉው ሰብኣዊ ኩነታት ሶማል ዘትዮም።

እቶም መራሕቲ ኢትዮጵያ፣ ጅቡቲ፣ ሶማልያ፣ ደቡብ ሱዳን፣ ኡጋንዳን ኬንያን፣ ብቀዳም 25 መጋቢት ኣብ ኬንያ፣ ከተማ ናይሮቢ ኣብ ዘካየድዎ ኣኼባ፣ ኣብ ሶማል ንዘሎ ኩነታት ስደተኛታት ብምትኳር፣ ሃገራት ምብራቕ ኣፍሪቃ ንስደተኛታት ሶማል ክሕግዛ ተማሕጺኖም።

ለገስቲ ሃገራት'ውን ሶማላውያን ስደተኛታት ናብ ሃገሮም ተመሊሶም ህይወቶም ዳግም ንምጥያስ እጃመን ከበርክታ እቶም ኣብ ኬንያ ዝተጋብኡ መራሕቲ ኢጋድ ለበዋ የመሓላልፉ።

Categories: Eritrea News

መንግስቲ ኤርትራ፣ ተወሰኽቲ ናይ መጓዓዝያ ነፈርቲ ንምሽማት ምስ ቻይና ይዘራረብ

Fri, 03/24/2017 - 14:26

Radio Erena: 24 March 2017

MA 60

መንግስቲ ኤርትራ፣ MA-60ዝዓይነተን ንኣሽቱ ናይ መጓዓዝያ ነፈርቲ ንምሽማት፣ ምስ ቻይና ይዘራረብ ከምዘሎ ተሓቢሩ።

እቲ መንግስቲ ኣቐዲሙ ዝሸመተን ኣስታት 60 ሰባት ዝሕዛ ክልተ ተመሳሰልቲ ነፈርቲ፣ ካብን ናብን ኣስመራ፣ ባጽዕን ዓሰብን ውሽጣዊ ኣገልግሎታት ንምሃብ እኳ እንተተመደባ፣ ብዘጋጥመን ዘሎ ተደጋጋሚ ቴክኒካዊ ጸገማት ግና ብዙሕ እዋን ግራውንድ ይኾና ከምዘለዋ እቲ ዝበጽሓና ሓበሬታ ብተወሳኺ የመልክት።

Categories: Eritrea News

ኣብ ኣፍሪቃ ብሓደ ሰልፊ ጥራይ ዝምራሕ መንግስቲ ዘለዋ እንኮ ሃገር ኤርትራ ጥራይ ምዃና መጽናዕታዊ ጽሑፍ ጠቒሱ

Fri, 03/24/2017 - 14:24

Radio Erena: 24 March 2017

Single Party

ኣብ ኣፍሪቃ ብሓደ ሰልፊ ጥራይ ዝምራሕ፣ ንጉሳዊ ዘይኮነ መንግስቲ ዘለዋ እንኮ ሃገር ኤርትራ ምዃና ሓደ መጽናዕታዊ ጽሑፍ ኣፍሊጡ።

ይኹን'ምበር እተን ብዙሓዊ ሰልፍታት ዘለወን ሃገራት ኣፍሪቃ'ውን ብዓብላልነትን ምልክን ሓደ ሰልፍን መራሕቱን ጥራይ ከምዝመሓደራ እቲ መጽናዕቲ ኣረዲኡ።

እቲ ኣብ ስርዓታትን ምሕደራ መንግስትን መጽናዕቲ ዘካየደ፣ 'ጆኡርናል ፎር ኮንተምፖራሪ ፖሊቲክስ' ዝተሰምየ ጽሑፍ ፣ ኣብዚ እዋን'ዚ ካብ ዘለዋ ልዕሊ 192 ሃገራት ዓለም ብእንኮ ሰልፊ ዝምራሓ ሃገራት ሽዱሽተ ኮይነን፣ ንሳተን ድማ ኤርትራ፣ ሰሜን ኮርያ፣ ላኦስ፣ ቬትናም፣ ቻይናን ኩባን'የን።

Categories: Eritrea News

ደቡብ ሱዳን፣ ካብ ሓደጋ ነፋሪት ካብ ዝደሓኑ 43 ተጓዓዝቲ ሓደ ኤርትራ ምንባሩ ተፈሊጡ

Thu, 03/23/2017 - 15:18

Radio Erena: 23 March 2017

Plane Crash

ኣብ ደቡብ ሱዳን ብሰሉስ 21 መጋቢት ካብ ዘጋጠመ ሓደጋ ነፋሪት ካብ ዝደሓኑ 43 ተጓዓዝቲ እቲ ሓደ ኤርትራ ምዃኑ ምንጭታት ሬድዮ ኤረና ካብ ጁባ ሓቢሮም።

እታ ሽዱሽተ ሰራሕተኛታት ዝርከብዎም 49 ሰባት ሒዛ ዝነበረት ነፋሪት፣ ብሰንኪ ደበና ዝዓብለሎ ኩነታት ኣየር፣ መሸራተቲ ብምስሓት ናብ መሬት ብሕማቕ ድሕሪ ምዕላባ፣ ብኡ ንብኡ'ዩ ትክን ሓውን ተወሊዑ።

Categories: Eritrea News

ኣዲስ ኣበባ፣ ዋሕዲ ነዳዲ ሻቕሎት ፈጢሩ

Thu, 03/23/2017 - 15:15

Radio Erena: 23 March 2017

Addis fuel

ኣብ ከተማ ኣዲስ ኣበባ፣ ካብ ዝሓለፈ ሰሙን ኣትሒዙ ዋሕዲ ነዳዲ፣ ኣጋጢሙ ከምዘሎ ምንጭታት ሬድዮ ኤረና ሓቢሮም።

መራሕቲ መካይን፣ ቤንዚንን ናፍታን ንምርካብ ኣብ መዕደሊ ነቑጣታት ንሓያሎ ሰዓታት ተሰሪዖም ምርኣይ ንቡር ኮይኑ ከምዘሎ'ውን እቶም ምንጭታት ጠቒሶም።

እዚ ኣብታ ከተማ ኣጋጢሙ ዘሎ ዋሕዲ ነዳዲ፣ ንወነንቲ ታክስን ሚኒባሳትን'ውን ጸልዩ ብምህላዉ፣ ኣብ ተጓዓዝቲ ምክልባት ፈጢሩ ከምዘሎ ተገሊጹ።

ጠንቒ'ዚ ኣብ ኣዲስ ኣበባ ተራእዩ ዘሎ ዋሕዲ ነዳዲ ብንጹር እኳ ክፍለጥ እንተዘይክኣለ፣ ብሰንኪ ናይ ምምሕዳር ጉድለት ምዃኑ'ዩ ዝንገር ዘሎ።

Categories: Eritrea News

ሕብረት ኤውሮጳ ንሕብረት ኣፍሪቃ 120 ሚልዮን ኤውሮ ለጊሱ

Thu, 03/23/2017 - 15:14

Radio Erena: 23 March 2017

EU Africa

ሕብረት ኤውሮጳ፣ ኣብ ምውሓሰ ጸጥታን ሰላምን ዝውዕል ናይ 120 ሚልዮ ኤውሮ ሓገዝ ንሕብረት ኣፍሪቃ ከምዝለገሰ ኣፍሊጡ።

እቲ ሕብረት ነዚ ዘፍለጠ፣ ብምክትል ፕረዚደንት ሕብረት ኤውሮጳ ፈደሪካ ሞገሪኒን ኮሚሽነር ኣህጉራዊ ዝምድናታትን ምትሕግጋዝን ነቨን ሚሚካን ዝምራሕ ላዕለዋይ ልኡኽ ናብ ማእከላይ ቤት ጽሕፈት ሕብረት ኣፍሪቃ ብ17 መጋቢት ድሕሪ ዘካየዶ ወግዓዊ ምብጻሕ'ዩ።

ዝበዝሐ ክፋል ናይቲ ተለጊሱ ዘሎ ሓገዝ፣ ኣብቲ ሕብረት ኣፍሪቃ ኣብ ሶማል ዘካይዶ ዘሎ ናይ ሰላም ምዕቓብ ተልእኾ (ኣሚሶም) ክውዕል ምዃኑ ተሓቢሩ።

Categories: Eritrea News

ግብጺ፣ ኣብ ልዕሊ ኤርትራ ዝተነብረ እገዳ ዳግመ - ግመት ክግበረሉ ከምእትደሊ ትገልጽ

Wed, 03/22/2017 - 09:54

Radio Erena: 22 March 2017

Egy Er

ባይቶ ጸጥታ ሕቡራት ሃገራት ኣብ ልዕሊ ኤርትራ ዘንበሮ እገዳ ዳግመ - ግመት ክግበረሉ ከምዝግባእ ሚኒስተር ጉዳያት ወጻኢ ግብጺ ሳመሕ ሾክሪ ምግላጹ፣ መርበባት ሓበሬታ ካብ ግብጺ ሓቢረን።

እቲ ሚኒስተር ነዚ ዝገለጸ፣ ብሚኒስተር ጉዳያት ወጻኢ ኤርትራ ኣቶ ዑስማን ሳልሕ ዝምራሕ ልኡኽ መንግስቲ ኤርትራ፣ ኣብ ግብጺ ናይ ኣርባዕተ መዓልታት ዑደት ኣብ ዘካይደሉ ዘሎ እዋን'ዩ።

Categories: Eritrea News

ደቡብ ሱዳን፣ ናይ መጓዓዝያ ነፋሪት ወዲቓ፣ ብምሉኦም ተሳፈርቲ ድሒኖም

Wed, 03/22/2017 - 09:53

Radio Erena: 22 March 2017

south Sudan plane

ኣብ ደቡብ ሱዳን፣ 43 ተሳፈርቲን ሽዱሽተ ሰራሕተኛታት እታ ነፋሪትን ጽዒና እትጓዓዝ ዝነበረት ነፋሪት ብሰኑይ 21 መጋቢት ወዲቓ።

እታ ነፋሪት፣ ኣብ ሰሜናዊ ምዕራብ ኣብ እትርከብ ከተማ ዋኡ ክትዓለብ እናተቓረበት፣ ብሰንኪ ግመ ዝዓብለሉ ኩነታት ኣየር፣ መንሸራተቲ ብምስሓታ'ዩ እቲ ሓደጋ ኣጋጢሙ።

እንተኾነ ኣብቶም 43 ተሳፈርቲ ይኹን ኣብረርቲ ዝርከብዎም ሽዱሽተ ሰራሕተኛታት ነፈርቲኣብ ዝወረደ ከቢድ ጉድኣት ከምዘይነበረ ተሓቢሩ።

ፈኵስ ማእሰይቲ ዝወረደኦም ሽዱሽተ ዝኾኑ ተሳፈርቲ ህጹጽ ሕክምና ተጌርሎም ነናብ ጉዳዮም ከምዝተፋነዉ መንግስቲ ሱዳን ኣፍሊጡ።

Categories: Eritrea News

ፕረዚደንት ጅቡቲ ናብ ኢትዮጵያ በጺሑ

Wed, 03/22/2017 - 09:51

Radio Erena: 22 March 2017

Dji Ethio

ፕረዚደንት ጅቡቲ እስማዒል ዑመር ጉለ ኣብ ኢትዮጵያ ናይ ክልተ መዓልታት ናይ ስራሕ ምብጻሕ ከምዘካየደ ኣገልግሎት ዜና ቻይና ሺንሁዋ ሓቢሩ።

እቲ ፕረዚደንት ካብ 16 ክሳብ 18 መጋቢት ኣብ ዘካየዶ ወግዓዊ ናይ ስራሕ ዑደት፣ ምስ ቀዳማይ ሚኒስተር ኢትዮጵያ ኣቶ ሃይለማርያም ደሳለኝ ብምርኻብ፣ ኣብ መንግኦም ዘሎ ክልትኣዊ ዝምድና ናብ ዝልዓለ ደረጃ ንምድያቡ ከምዝተዘራረቡ እቲ ማዕከን ዜና ብተወሳኺ ገሊጹ።

ብዘይካ'ዚ እቶም መራሕኢ፣ ብገበን ንዝድለዩ ሰባት ኣብ ምርኽኻብን ኣብ መዳይ ሕጊ ዘድሊ ምትግጋዝ ክህሉን ኣብ ዝብል ነጥብታት ስምምዕ ከቲሞም።

Categories: Eritrea News

ስዑዲ ዓረብ፣ ኣስታት 5 ሚልዮን ወጻእተኛታት ንምስጓግ ትውጥን

Wed, 03/22/2017 - 09:45

Radio Erena: 21 March 2017

Saudi to Ex

ንግስነት ስዑዲ ዓረብ፣ ኣብታ ሃገር ብዘይሕጋዊ መንበሪ ፍቓድ ዝነብሩ ኣስታት 5 ሚልዮን ወጻእተኛታት ንምስጓግ ውጥን ከምዘለዋ ጋዜጣታት እታ ሃገር ሓቢረን።

ቤት ምኽሪ ስዑዲ ዓረብ (ሹራ ካውንስል) ፣ ዝሓለፈ ሰሙን ኣብ ዘካየዶ ኣኼባ፣ ብዘይሕጋዊ መንበሪ ፍቓድ ኣብ ስዑዲ እናሰርሑ ዝነብሩ ዘለዉ ወጻእተኛታት ክጥረዙ ዝብል እማመ ከምዘቕረበ ዝገለጻ እተን ጋዜጣታት፣ ቅድሚ እዚ ናይ ምስጓግ ስጉምቲ ብወለንትኦም ናብ ዓዶም ንዝምለሱ ካብ 29 መጋቢት ኣትሒዙ ናይ 90 መዓልታት ዕድል ተዋሂብዎም ከምዘሎ ጠቒሰን።

ኣብዚ 90 መዓልታት ብወለንትኦም ካብ ስዑዲ ዓረብ ዝወጹ፣ ሕጋዊ መንበሪ ፍቓድ ዘይብሎም ወጻእተኛታት፣ ኣብ ካልእ እዋን ብሕጋዊ መንገዲ ክኣትዉ ከምዝኽእሉ ዝሓበረ ቤት ጽሕፈት ሚኒስትሪ ውሽጣዊ ጉዳያት ድማ፣ ነዚ ናይ 90 መዓልታት ዕድል ዘይተጠቕምሉ ግና ተታሒዞም ናይ ኣጻብዕቲ ኣሰር ተወሲድሎም ብሓይሊ ምስ ተሰጉ፣ ብሕጋዊ መንገዲ'ውን ይኹን ናብ ስዑዲ ክምለሱ ከምዘይክእሉ ኣፍሊጡ።

Categories: Eritrea News

ኢትዮጵያ፣ 113 ሰባት ዝቐተለ ኩምራ ጎሓፍ ናብ ፓርክ ክልውጦ'የ ትብል

Wed, 03/22/2017 - 09:43

Radio Erena: 21 March 2017

Garbage 5

መንግስቲ ኢትዮጵያ፣ ኣብ ከባቢ ከተማ ኣዲስ ኣበባ ዘጋጠመ ምፍራስ ኩምራ ጎሓፍ፣ 113 ሰባት ከምዝሞቱ ብምርግጋጽ፣ እቲ ቦታ ናብ ፓርክ ክልውጦ ምዃኑ ኣፍሊጡ።

ሰበ ስልጣን እታ ከተማ፣ እቶም ካብቲ ሓደጋ ዝደሓኑ ሰባት ናብ ግዝያዊ ቦታ ከምዝገዓዙ ብምጥቃስ፣ ድሕሪ ደጊም ኣብቲ ኩምራ ጎሓፍ ዝነብር ሰብ የለን ክብል ሓቢሮም።

ኣፈኛ መንግስቲ ኢትዮጵያ ነገሪ ሌንጮ ብወገኑ፣ ጠንቂ ምፍራስ እቲ ኩምራ ጎሓፍ ኣብ ምጽራይ ከምዘሎ ገሊጹ።

እቲ ብ11 መጋቢት ዘጋጠመ ሓደጋ ምፍራስ ኩምራ ጎሓፍ፣ ኣብቲ ከባቢ መነባብርኦም ኣብ ልዕሊኡ ዝመስረቱ ኣማኢት ሰባት ሓደጋ ከውርድ እንከሎ፣ ዛጊት ተረኺቡ ብዘሎ ሬሳ መብዛሕትኦም ቆልዑን ደቂንስትዮን ዝርከብዎም 113 ሰባት ሞይቶም።

Categories: Eritrea News

ልኡኽ መንግስቲ ኤርትራ ኣብ ግብጺ ወግዓዊ ናይ ስራሕ ምብጻሕ የካይድ

Mon, 03/20/2017 - 10:49

Radio Erena: 20 March 2017

Egypt Eri del

እቲ ብሚኒስተር ጉዳያት ወጻኢ ኤርትራ ኣቶ ዑስማን ሳልሕ ዝተመርሐ ልኡኽ፣ ብ19 መጋቢት ካይሮ ኣብ ዝኣተወሉ ምስ ሚኒስተር ጉዳያት ወጻኢ ግብጺ ሳምሕ ሾክሪ ብምርኻብ ኣብ ህሉው ኩነታት ዞባ ቀርኒ ኣፍሪቃ፣ ብፍላይ ድማ ምስ ኢትዮጵያ ኣብ ዘሎ ኩነታት ከምዝዘተዩ ምንጭታት ዜና ካብታ ከተማ ሓቢሮም።

ብጉዳይ እቲ ኢትዮጵያ ኣብ ከባቢ ናይል እትሃንጾ ዘላ ዲጋ፣ ምስታ ሃገር ኣብ ዘይምቅዳው እትርከብ ግብጺ፣ ምስ ኩለን እተን ምስ ኢትዮጵያ ምትእስሳርን ጽልዋን ኣለወን እትብለን ሃገራት ጽዑቕ ርክባት ኣብ ምክያድ'ያ ትርከብ።

Categories: Eritrea News

ኤርትራ፣ ሃገራዊ ኣገልግሎት ዘይፈጸሙ ዜጋታት ኣብ ስራሕ ኣዋፊረን ዝተባህላ ንኣሽቱ ትካላት ይዕጸዋ

Mon, 03/20/2017 - 10:28

Radio Erena: 20 March 2017

Asmara Shops

መንግስቲ ኤርትራ፣ ዓበይቲ ይኹና ንኣሽቱ ናይ ብሕቲ ትካላት፣ ሃገራዊ ኣገልግሎት ዘይፈጸመ ወይ ከኣ ናይ መጣየሰ መረጋገጺ ንዘየምጽአ ሰብ፣ ኣባ ስራሕ ከየዋፍራ፣ ድሕሪ ዘሕለፎ መጠንቐቕታ፣ ሓያሎ ንኣሽቱ ትካላት ከምዝዓሸገ ምንጭታት ሬድዮ ኤረና ሓቢሮም።

ኣባላት ስድራቤታቶም ሃገራዊ ኣገልግሎት ኣይፈጸሙን ብዝብል ምኽንያት ኣብ ከተማ ከረን፣ ብውሕዱ ክልተ ኣብያተ መግቢ ክዕሸጋ እንከለዋ፣ ኣብ ኣስመራን ካልኦት ከተማታትን'ውን ብተመሳሳሊ ምኽንያት ዝተዓጽዋ ሓያሎ ትካላት ከምዘለዋ እቶም ምንጭታት ጠቒሶም።

እቲ መንግስቲ፣ ብዘይካ ናይ ሃገራዊ ኣገልግሎት ጉዳይ፣ ብብልሽውናን ካልእን እናሳበበ፣ ሓያሎ ትካላት ኣብ ምዕጻውን፣ ንወነንተን ከኣ ኣብ ምእሳርን ከምዝርከብ፣ ንባዕሉ ኣብ ተኣሲሩ ዝነበረን፣ ወናኒ ኣብ ኣስመራ ዝርከብ ሓደ ፍሉጣት ኣብያተ መግቢ፣ ኣብዚ ቀረባ ናብ ስደት ድሕሪ ምምሪሑ ንሬድዮ ኤረና ኣብ ዝሃቦ ቃል ኣረጋጊጹ።

Categories: Eritrea News

ሄሊኮፕተራት ኵናት ሃገራት ዓረብ፣ ኣብ ቀይሕ ባሕሪ 42 ሶማላውያን ስደተኛታት ከምዝቐተላ ይግለጽ ኣሎ

Mon, 03/20/2017 - 10:26

Radio Erena: 20 March 2017

42 Somali

ብስዑዲ ዓረብ ዝምራሕ ናይ ልንፍቲ ሰራዊት ሃገራት ወሽመጥ ዓረብ፣ ኣብ ቀይሕ ባሕሪ ብዘያከዶ ናይ ሄሊኮፕተር ደብዳብ፣ ኣብ ጃልባ ዝነበሩ 42 ሶማላውያን ከምዝቐተሉ ተሓቢሩ።

እቲ ናብ ቀዳም18 መጋቢት ኣብ ዘውግሐ ለይቲ፣ ኣብ ልዕሊ ቆልዑን ኣዴታትን ዝርከብዎም ተራ ስደተኛታት ዝተፈጸመ መጥቃዕቲ፣ ግፍዒ ኣብ ልዕሊ ንጹሃት ሰባት ክብል መንግስቲ ሶማል ኮኒንዎ ኣሎ።

እቶም ሶማላውያን፣ ኣብ ቀይሕ ባሕሪ ኣብ እትርከብ ናይ የመን ወደብ ሖዴይዳ፣ ከባቢ ባብ ኤልመንደብ ኣብ ዝበጽሕሉ እዋን፣ ካብ ሄሊኮፕተር ብዝተወንጨፈሎም ሮኬታትን ጠያይትን'ዮም ሃሊቖም።

Categories: Eritrea News

መራሒ ሰሜን ኮርያ፣ ኣብታ ሃገር እቲ ዝበለጸ ቅዲ ኣከዳድና ዝኽተል ተባሂሉ ብወግዒ ተሰይሙ

Mon, 03/20/2017 - 10:25

 Radio Erena: 20 March 2017

Kim Jong Un

መራሒ ሰሜን ኮርያ ኪም ጆንግ ኡን፣ ኣብታ ሃገር እቲ ዝበለጸ ቅዲ ኣከዳድና ዝኽተል ተባሂሉ ከምዝተሰየመ ወግዓዊ መግለጺ መንግስታዊ ኣገልግሎት ዜና ሓቢሩ።

ብመሰረት እቲ ብሰነት 19 መጋቢት ዝወጸ መግለጺ፣ መራሒ ሰሜን ኮርያ ኪም ጆንግ ኡን ነዚ ኽብሪ ን20 ዓመታት'ዩ ሒዝዎም።

ወዲ 33 ዓመት ኪም ጆንግ ኡን፣ ብዘይካ'ዚ፣ እቲ ዝመልክዐ መራሒ፣ እቲ ዝሓየለ መራሒ፣ ብፍልጠት ዝወዳደሮ ዘየብሉ መራሒ፣ ብህዝቢ ካብ ዝፍተዉ መራሕቲ ዓለም ቀዳማይ፣ ብደቂንስትዮ ፍቱው.....ወዘተ ዝብል ናይታ ጸብለልታ ማሕበራዊ ክብርታት ብወግዒ ብሒቱ ይርከብ።

Categories: Eritrea News

ምብራቕ ኣፍሪቃ፣ 20 ሚልዮን ህዝቢ ሓደጋ ደርቂ ተቓሊዑ ከምዘሎ ተሓቢሩ

Fri, 03/17/2017 - 12:08

Radio Erena: 17 March 2017

Drought

ኣብ ምብራቕ ኣፍሪቃ፣ ኣንጸላልዩ ዘሎ ሓደጋ ደርቂ ንኣስታት 20 ሚልዮን ህዝቢ ጸልዩ ከምዘሎ ኣህጉራውያን ትካላት ይገልጻ።

ነዚ ኣብ ደቡብ ሱዳን፣ ኢትዮጵያ፣ ሶማልን ኬንያን ኣንጸላልዩ ዘሎ ሓደጋ ደርቂ ንምምካት፣ ፕሮግራም መግቢ ዓለም፣ ውድብ መግብን ሕርሻን ካልኦት ኣህጉራውያን ትካላት ረድኤትን ናይ ኣማኢት ሚልዮናት ዶላር ሓገዝ ይሓታ ኣለዋ።

Categories: Eritrea News

ናብ ዝበዝሐ ክፋል ዓለም ናይ መጓዓዝያ በረራታት ከየካይድ ዝተኣገደ መንገዲ ኣየር ሱዳን፣ ናብ ኤርትራ ዘካየዶ በረራታት ንምስፋሕ ይውጥን

Fri, 03/17/2017 - 12:07

Radio Erena: 17 March 2017

Sudan air

ናብ ዝበዝሐ ክፋል ዓለም ናይ መጓዓዝያ በረራታት ከየካይድ ዝተኣገደ መንገዲ ኣየር ሱዳን፣ ናብ ኤርትራ ዘካይዶ በረራታት የስፍሕ ከምዘሎ ተሓቢሩ።

እቲ፣ ብሰንኪ ቴክኒካዊ ብቕዓት ተጓዓዝቲ ናብ ሓደጋ ከቃልዕ ይኽእል'ዩ ተባሂሉ ናብ ዝበዝሐ ክፋል ዓለም ናይ መጓዕዝያ በረራታት ከየካይድ ንነዊሕ ዓመታት ዝተኸልከለ መንገዲ ኣየር ሱዳን፣ ካብን ናብን ኣስመራ ካርቱም፣ በረራታት ከካይድ ድሕሪ ምጽናሕ'ዩ፣ ካብ ኣስመራ፣ ናብ ደቡብ ሱዳን ከተማ ጁባ፣ ስዑዲ ዓረብ ከተማታት ሪያድን ጀዳን፣ ናብ ቻድ ድማ ከተማ እንጀሜና በረራታቱ ዘስፍሕ ዘሎ።

ናብ ኤርትራ ናይ መጓዓዝያ በረራታት ዘካይዳ ኣህጉራውያን መንገድታት ኣየር፣ በብእዋኑ የቛርጻ ምስ ምህላወን፣ በዓል መዚ ሲቪል ኣቭየሽን ከም መተካእታ ናብ ኤርትራ ኣገልግሎት ዝህባ መንገዲታት ኣየር ከናዲ'ዩ ጸኒሑ።

Categories: Eritrea News

ናብ ኢትዮጵያ ካብ ዝሰግሩ ዘለዉ ኤርትራውያን ስደተኛታት እቶም 39 ሚእታዊት ቆልዑ ምዃኖም ተገሊጹ

Thu, 03/16/2017 - 14:48

Radio Erena: 16 March 2017

IOM Endabaguna

ኣብ ኢትዮጵያ፣ ክልል ትግራይ፣ ኣብ ምዕራብ ሽረ ኣብ ዝርከብ፣ ማእከል ምጽራይ ስደተኛታት እንዳባጉና፣ ካብ ዝምዝገቡ ዘለዉ ኣሽሓት ኤርትራውያን ስደተኛታት እቶም 39 ሚእታዊት ትሕቲ ዕድመ ቆልዑ ምዃኖም ተገሊጹ።

እቶም 14 ሚእታዊት ካብዚኣቶም ከኣ ብዘይኣላዊ ዶብ ዝሰገሩ'ዮም ክብል ጸብጻብ ላዕለዋይ ኮሚሽን ስደተኛታት ሕቡራት ሃገራት   (UNHCR) የመልክት።

Categories: Eritrea News

Pages